Partisipá na e enkuesta di KFC i keda ku chèns di gana 250 florin kada 2 siman

Willemstad- OKT2015 – Satisfakshon di kliente semper ta na promé lugar! Esaki ta un filosofia empresarial ku ta kore manera un liña kòrá no únikamente na KFC Kòrsou pero na tur KFC rònt mundu. Ora ta papia di satisfakshon di kliente; ta papia di un totalidat. Ta inkluí eksperensia den e restorantnan mes, e kuminda i e servisio. Pa mantené e nivel haltu di servisio na kliente, KFC Kòrsou ta uni na e enkuesta mundial ku ta wòrdu realisá e temporada aki ku su kampaña; “Bisa nos!”. Pa yama danki lo rekompensá e kliente pa su tempu dediká na yuda den e enkuesta.

Bisa nos! dor di Partisipá i Gana

Pa partisipá na e akshon BISA NOS! GANA 250 florin kada 2 siman: Ora bo kumpra na kualke KFC Kòrsou bo mester: Kòrda tuma bo resibu serka e kahera! Hasi e enkuesta dor di bishitá www.tellkfccuracao.com huntu ku bo resibu ku bo kumpra na KFC; E enkuesta ta dirigí pa sigui garantisá bo satisfakshon komo kliente di KFC. Na bo próksimo bishita na kualke KFC ora bo kumpra 10 florin òf mas, entregá bo resibu yená ku e kódigo di e enkuesta i mustra e prueba na unda ku Abo a risibí un kódigo, sea riba bo mobil òf di print, p’asina KFC por regalábo GRATIS 1 pida galiña i lo bo risibí for di un di e kaheranan di KFC, un lòt di e kampaña ‘BISA NOS!’ Yena tur bo datonan i deposit’é den e buzon pa partisipá i GANA 250 florin kada 2 siman. E kampaña BISA NOS! ta bálido na tur 7 filial di KFC na Kòrsou; Sta. Maria, Sta. Rosa, Saliña, Brionplein, Punda, Colon i Brievengat entrante 2 di òktober 2015.

Di akuerdo ku representante di KFC Kòrsou, sr. Randy Maurera, “Nos ta purba pa semper surpasá espektativa di nos klientenan; esaki ta un paso mas den nos aserkamentu na e kumpradó di KFC. Nos ke tende kiko nan ta pensa; p’esey mes nan tin ku ‘Bisa nos!’ Únikamente asin’aki nos por sigui garantisá un nivel di servisio haltu. Nos ke motivá nos klientenan pa nan partisipá na e enkuesta. Bisa nos! libremente, pasó KFC ke sá.”