GRANDIOSO CASTING DEN LUNA DI OUGUSTUS

Willemstad, Curaçao –Riba medianan sosial ya tin papia i anunsiá un plan super interesante pa nos hubentut. Tin un yamada pa tur hóben interesá den bira e sigiente embahador internashonal di Kòrsou. Den un forma inovativo i dinamikó un ekipo nobo di hóbennan profeshonal i studiá ta trahando riba un “casting” pa embahadornan di beyesa representa Kòrsou internashonalmente. Tur aspirante entre 14 pa 25 aña di edat ku of sin eksperensia den e mundu di farándula/modelahe, ku ta den un bon kondishon físiko, ku ta poseé karisma artistikó, ku tin interes den trabounan sosial, tin bon presensia i ku tin gana di bira e siguiente representante internashonal di Kòrsou, esaki ta bo oportunidat! Tur persona ku kai den e selekshon akí ta bai risibi oportunidat uniko entre otro seshonnan fotografiko profeshonal ku Theo Meijer Photography i Frank Otten Photography. Tayernan personal pa desaroya nan pasarela, styling, kuido personal, makiyahe, komunikashon, edifikashon spiritual, filosofia, kultura, finansas i tur detayenan di traha riba un embahador nashonal. Ku instruktornan profeshonal di salú pa e peso ideal, i gym pa e periodo di preparashon. Den bullpèn tambe un ‘realityshow’ programa di televishon. Keda pendiente pa mas di e ekipo inovativo aki, inverti den nos potenshalnan. Kualke persona ku ta interesá o ku ke yuda e ekipo, reklutá aspirante o duna aporte na un plataforma nobo i profeshonal tuma kontakto ku +5999-514-6101 / +5999-562-0226, òf manda via www.fb.com/misscaraibescuracao E búskeda pa e siguiente embahadornan internashonal di Kòrsou ta bai kuminsá.