I haña bo Novela “Djis un Tiki Love” pa únikamente ANG65.00
Dianan ta aserkando i interes pa e Tele Novela nobo na papiamentu ta kresiendo mas i mas. Basta hende a yega na ofisina di TDS pa asina por bira miembro, spesialmente pa por gosa di e Tele Novela aki.
TDS, mirando e interes enorme aki, a pone un dia spesial pa TUR hende ku ainda no ta miembro i sigur kier gosa di e novela “Djis un tiki Love”, hasi esaki i alabes un orario spesial pa hasi uso di e spesial aki únikamente awe 4 di aprel for di 8:30 di mainta te ku 8or di anochi.
Awe 4 di aprel tur persona ku NO ta Miembro ainda di TDS ta haña e oportunidat pa bira miembro KOMPLETAMENTE GRATIS, sin gastu di Instalashon plùs risibí e novela DJIS UN TIKI LOVE, pa únikamente ANG65.00.
Asina mes, un deskuento spesial pa tur miembro nobo teniendo na kuenta ku nan mester tuma òf e pakete “Esun Chiki” di ANG29.99 òf e Pakete Básiko di ANG68.90 mas e novela Djis un tiki Love pa hasi uso di e spesial aki. Esakinan mester wòrdu kanselá adelantá, pues na momento di e solisitut.
Ademas TDS lo keda habri te ku 8or di anochi awe na Vinik Plasa i hopi importante, tur instalashon ta wòrdu garantisá promé ku 11 di Aprel 2016 ya asina TUR hende por gosa di e gran novela aki, basta e kliente kumpli ku e rekisitonan ku TDS ta stipulá.
Si esaki no ta basta, den tur e klientenan ku bira miembro òf esnan ku ya a solisitá e novela aki, TDS lo bai rifa 10 entrada pa e GRAN ESTRENO di Gala dia 11 di Aprel próksimo na CINEMARK.
Pues bo tambe por pasa riba e Red Carpet dia 11 awor huntu ku henter e elenko di e gran produkshon aki i ser mira dor di henter Kòrsou.
Pues tur persona ku NO ta miembro ainda, probechá awe 4 di aprel di gran spesial aki di TDS i alabes haña e chèns di ta parti di e gran evento Red Carpet Gala dia 11 awor pa e gran estreno di Djis un tiki Love.
Tambe TDS kier a informá ku e protagonistanan lo bai tei presente pa tur ku kier saka potrèt ku nan òf risibí nan firma. TDS un biaha mas ta mustra ku e SI ta kere den produkshon lokal, i ta balorá tur loke ta di Kòrsou. Promé NOS mes i despues tur otro, esei ta NOS lema. Keda pendiente paso pronto TDS lo bai anunsiá Kanal 6, kiko e ta?????? Keda pendiente pa e gran anunsio aki.