Animashon di Randal Corsen Orchestra, ERA i DJ Boogieman

Willemstad – Djasabra dia 3 di febrüari Curacço Lions Club un biaha mas ta organisá e tradishonal fiesta di karnaval. Esaki ta tuma lugá na Fort Nassau di 9 pm pa 2 am ku animashon musikal di ERA, e reinan di ambiente, DJ Boogieman i pa promé biaha den un fiesta bailabel Randal Corsen Orchestra ku su banda kompleto di 17 persona. Kantantenan Dibo D, Rich Pieter i Yumarya Grijt ta bai temblá Fort Nassau i highlight di e anochi ta Sidney ‘Mr. Saab’ Isidora.

Karchi ta kosta NAf 250,- i ta optenibel na Mensing’s Caminada i serka miembronan di Curaçao Lions Club. Manera ta e kustumber e fiesta di karnaval aki ta ‘all inclusive’ i ambiente ta garantisá. Fort Nassau lo ta e esenario magestuoso pa e fiesta bailabel aki ku bista bunita riba nos haf. Bar i kushina ta bon surti manera semper i ta na enkargo di The Trader.

Tur fondo rekoudá ku e fiesta di karnaval aki ta bai pa e club por kontinuá ku e diferente trabounan karitativo ku e ta hasiendo.

Curaçao Lions Club ta yama danki na tur e sponsernan ku ta hasi e fiesta aki posibel ku ta Curaçao Beverages Coca Cola, Licores Maduro ku White Label, Bacardi i Polar, The Trader, Fort Nassau, Destination Curaçao, Loud & Clear, Venequip i Help’R.

Pa mas informashon bishitá e Facebook page di Curaçao Lions Club. Por yama tambe na 529 99 06 òf 560 22 91.