Ganador di trivia na Paradise Fm Sabrine Tapoka e promé pa eksperensiá

Djaluna último restorant di BijBlauw a lansa un konsepto úniko yamá, “Chef’s Table”. Disfrutá di un sena kant’i awa i un eksperensia kulinario tur afó i komo chèri riba e bolo, e Chef lo ta bo anfitrion durante e anochi. E kliente ta bisa e Chef eksaktamente kiko e ta deseá di kome durante di su ‘5 course dinner’– tur esaki segun bo smak i petishon detayá. E “Chef’s Table”, ta kosta 125 florin pa persona i por añadí biña for di e lista ekstenso di biñanan di kalidat haltu ku BijBlauw tin pa ofresé. E promé “Chef’s Table” a wòrdu ganá durante di un trivia na radio Paradise Fm dor di Sabrine Tapoka (riba potrèt) ku por a disfrutá huntu ku 5 amigu òf familiar.

BijBlauw ta situá na Pietermaai i ta habri pa desayuno lunch i dinner. Pa reservashon di un dinner estilo “Chef’s Table” por yama 650 0550 of por email info@bijblauw.com. Pa mas informashon por bishita nan página di Facebook of nan websáit www.bijblauw.com