Hasi tur bo preparashonnan promé ku bo biahe i risibí un ‘Travel Wallet’:

WILLEMSTAD: Ta temporada di vakashon i mayoria di nos hendenan ta skohe pa biaha pa eksterior. Bai di biahe ta un eksperensia úniko i ta eksihí su debído preparashon. Despues di skohe bo destinashon faborito i reservá bo estadia, ta e momento pa pone tur finansas na òrdu di manera ku bo por kubri bo gastunan di estadia. Banco di Caribe su kampaña ‘Checked!’ ta yudabo ku esaki.

Biaha ku komodidat i sin strès

Klientenan di Banco di Caribe ta biaha ku trankilidat. Bo por kompletá bo ‘checklist’ fásilmente online òf na kualke brènch di Banco di Caribe. No laga pa mañan , loke bo por hasi awe; regla bo tarheta di krédito òf bo MultiCard na tempu. Aktivá bo tarheta débito via BdC online pa uso internashonal. Esaki bo por hasi na tur momento. Si ainda bo no tin akseso na BdC Online , bishitá un di nos brènchnan i aktivá bo tarheta débito 2 dia promé ku bo biahe. No lubidá di regla bo seguro di biahe na nos departamento di Seguro i di aktivá e servisio di SMS Alert pa bo tarheta débito, – krédito i bo MultiCard. Banco di Caribe tin diferente produkto i servisio ku por hasi bida mas fásil tantu na kas, òf ora di bai un biahe. Ta pesei, na momento ku klientenan regla nan asuntonan di biahe ku Banco di Caribe, nan por risibí un estuche di biahe di kueru grátis, tanten tin na stòk. Pa mas informashon tokante término i kondishon pa por risibí un estuche di biahe di kueru, bishitá nos wèpsait www.bancodicaribe.com. Banco di Caribe ta deseábo un felis biahe!