Oranjestad, 25 juli 2013 –  Den su funcion  Bettina Daal ta bai ta esun responsabel pa dirigi e compania ‘Scarlet Aruba’ como Managing Director, alavez expande  y engrandese e cuentanan Corporativo den e sector completamente diferente e inovativo esta Tele-Comunicacion. Bettina Daal no ta un figura desconoci den nos comunidad. Despues di traha durante 20 aña den varios ramo den e mundo di Hospitalidad, tanto na Korsou y na Aruba, awor ta bai dirigi un ramo totalmente diferente. E simpatica y dinamico Bettina Daal, sa di experiencia con importante ta pa tene awendia clientenan satisfecho. Porcierto esaki un ‘Don’ fuerte cu e tin, cu solamente eherciendo cu dedicacion y trabao continuo, semper señalando e necesidat di un cliente, bo lo logra pone un producto riba e mapa di e mercado local. E delaster aki ta complementa e vishon di Scarlet Aruba pa cu su clientenan regular y corporativo. E gran pregunta kico tur e compania’ki ta ofrece? Scarlet ta un compania cu a lansa un sistema di ‘high-speed internet’ ultra modero. Scarlet Aruba ta activo den e mercado di Aruba desde 2011 y na Corsow desde 2003. Scarlet ta ofrese un pakete completo di coneccion fiho residencial, national y international cu acceso, usando asina nan ‘network’ pa suministra un calidad masha halto mes di data y servicio di voz pa individual y pa compañia. Scarlet tin su propio linia technico, y esaki ta loke ta connecta varios compañia corporativo, cu tin oficina tanto na Corsow como na Aruba, y cu ya ta uzando linianan di Scarlet, di e forma aki inmediato cu otro.

Pa awor Scarlet ta ubica na Savaneta, pero pronto nan lo tin nan oficina nobo na Playa, p’abo haya un asistencia personal. Eynan nan ta n’abo un servicio c’un high-speed internet’ super mas rapido y stabil.