‘Soundcheck’ live sessions riba YouTube:

WILLEMSTAD/ Miéntras ku mundu di farándula ta purbando di ahustá na e ‘normal nobo’ Bauco ta estrená su promé ‘live’ Mash-Up.  Pa e seshon aki a usa piesanan di e popular kantante Panameño Sech. Loke ya kaba ta un tendensia masha popular riba YouTube, a haña un introdukshon na Kòrsou na 2017 ora ku Decoded a kuminsá produsí ‘mash-ups’ ku artistanan lokal. E biaha aki ta bolbe halsa nivel di produkshon i ta hasi e proyekto di Bauco unu audio-visual. E – ‘mash-up’ – di Bauco ta inkluí ‘Si Te Vas’ i ‘Relación’ di Sech, miéntras a inkluí un kansion propio di Bauco titulá ‘Llámame’. 

Ku presentashon di su promé ‘mash up’ na spañó, Bauco ta introdusí su banda Energy Source. E ‘mash-up’ aki ta e promé di e konsepto ‘Soundcheck’ ku Decoded ta presentá.  Por a konta ku reprodukshon di Gedion Chandler, un mixing di Efrem Mambi i finalmente mastering di Sean Cannister. E ‘mash-up’ aki sigur lo hiba músika presentá pa artistanan lokal na un otro nivel. Manera tur hende sá Bauco ta pertenesé na e kas di produkshon Decoded, i pa 80% ta konsentrá riba merkado internashonal. Pa awòki fanátikonan por sigui Bauco riba su Instagram/ Facebook/ SnapChat bauco.cr Artistanan di Decoded ta figurá riba e Youtube Channel, Facebook, Instagram i SnapChat @decodedofficial. Por stream e piesanan riba iTunes, Spotify, Tidal i Apple Music tambe. 
Video: https://bauco.lnk.to/LlamameMashup