Mirando ku e temporada di MLB 2014 dia pa dia ta birando mas kandente, TDS huntu ku MLB a disidí di duna tur miembro di TDS 5 dia di e 14 kanalnan di MLB GRATIS. Asina mes, for di 21 di yüli te 27 di yüli próksimo, tur kliente di TDS por gosa di kanalnan 281 i 282 (HD) i tambe kanalnan 961 te ku 974, grátis. Gosa di mas ku 70 wega den e siman aki trankil na kas i sigui bo ekipo preferí riba un di e kanalnan ariba menshoná. Pa esnan ku kier sigui mira baseball liga grandi despues di dia 27 awor, tambe tin posibilidat. TDS a prepará un pakete kumbiniente pa abo por sigui gosa di e kanalnan aki. Pa Kòrsou i Boneiru tin diferente pakete: Pa tur 60+: 1 pago di ANG 200.00 (USD 114.50) òf 4 pago di ANG 60.00 (USD 35.00) Pa esnan bou di 60: 1 Pago di ANG 230.00 (USD 135.00) òf 4 pago di ANG 67.50 (USD 39.00) Tur e preisnan aki ta inkluí OB i bo por disfrutá di tur wega te ku dia 28 di sèptèmber próksimo. Pa solisitá bo pakete di MLB Extra Innings, bo por yama 9242 òf pasa personalmente na ofisina di TDS òf un UTS Store. Bo por disfrutá di MLB Baseball Extra Innings eksklusivamente na TDS, Esun di NOS!