Djaweps awor 4 di Febrüari e tremendo Ban Pariba Electric Parade ta bai tuma lugá. E aña aki banderanan ku lus lo bai lusi den kayanan di Bándariba. Nos tur sa ku trahando riba e kaminda prinsipal di Bándariba, pues ku nos mester a yega na un ruta ku ta adekuá I responsabel pa tur hende por bai disfrutá. Un danki ta bai na minister di VVR, Sra. Susanne Camelia-Romer, I tambe na minister di Hustisia, Sr. Nelson Navaro , I tambe Parlamentario Mac Cijntje ku a yuda nos pa yega na e solushon. E ruta eksakto ta bira; Sali for di Guardian(Fatum), subi Cas Coraweg , lora na lus di tráfiko bai direkshon di Centrum Supermarket te final, I despues lora na man robes subi Sta Rosaweg. Despues e parada lo sigui stret ten a altura di Lata Lata I einan lora na man robes direkshon di Mangusá Supermarket I bai kaba na Sabana Ballpark. E aña aki nos lo hasi un apertura chikitu ku konteo pa e parade ranka Sali. Bándariba Na Sabana Ballpark esnan ku tin nan t- shirt por sigui jump. Nos kier a hasi un yamada na un I tur, bai buska bo T-shirt pa sostené e Parada aki. Wak pa e aña aki bon keda afó. Entrada ta 50 florin. Nos lo tei Djaluna Djamars I Djarason for di 3 or di mèrdia te 8 or di anochi na Buurtcentrum Sta Rosa, den kura di misa. Si pa un òf otro motibu bo no por yega yama nos na; 5650917 – 5686043 -5194288.