Entrante 1 di yüli próksimo

WILLEMSTAD:  For di aña 1992 ku a abri portanan di Banco di Caribe na Sta. Maria, klientenan den e área i di Bándabou ta akudí diariamente pa nan transakshonnan bankario. Despues di 27 aña ta tempu pa un remodelashon ekstenso, esaki ta e motibu dikon mester sera e filial dia promé di yüli temporalmente te un próksimo aviso.

Durante di e periodo di remodelashon Banco di Caribe ta ofresé klientenan den área di Sta. Maria i Bándabou algun alternativa.  Servisio di ATM ta keda disponibel na edifisio di Sta. Maria. E filialnan mas serka ku por akudí na dje ta Sambil i Otrobanda. Pa por sirbí nos klientenan mihó posibel, entrante 1 di yüli e filial di Banco di Caribe na Sambil lo abri dos ora mas trempan, esta di 08:00 te 17:00. Filial Otrobanda ta abri e ora kostumbrá di 08:00 te 16:00. Klientenan por pasa  na e ofisina prinsipal di Banco di Caribe na Saliña tambe. Ta rekomendá tur kliente pa hasi uso di ‘BdC Online Banking’ pa transakshonnan digital, esaki ta fásil i lihé.

Pa mas informashon por yama 432 3200 òf por bishitá Banco di Caribe su wèpsáit. Den e sekshon di preguntanan mas hasí (FAQ), tin algun kontesta riba preguntanan ku por surgi. Ta invitá tur kliente pa sigui e proseso di remodelashon riba e página di Facebook di Banco di Caribe. For di awor ta gradisí tur kliente pa nan komprenshon i koperashon durante remodelashon di e filial na Sta. Maria.