…tur hende ku risibí hipoteka tin chèns di gana 10.000 florin…
WILLEMSTAD- Ougùstùs 2013; Kompra òf konstrukshon di un propio kas semper ta un soño ku nos tur ta kompartí. Alkansá horizontenan finansiero i realisá soñonan di un propio kas ta bira únikamente posibel si tin un banko ku ta dunabo su konfiansa. Ora ku finalmente bo ta kómodo den bo hogar, e satisfakshon di por yam’é ‘propio’ ta ineksplikabel; henter e trayekto akí por kuminsá ku un solo sita na Banco di Caribe. Di akuerdo ku e banko, tur hende den nos komunidat mester tin e oportunidat di tin nan propio kas. E kas aki mester ta muchu mas ku blòki i dak, pero un berdadero hogar. E kampaña di hipoteka ta diseñá ku, entre otro, e hóben profeshonal den mente ku ta deseá di hasi un paso firme den direkshon di su futuro. Un kas propio ta un bon invershon.
Kampaña:
E kampaña di hipoteka nobo di Banco di Caribe lo benefisiá tur kliente ku ta deseá di risibí guia i informashon kompañá ku ofertanan spesial. Na un manera servisial i profeshonal Banco di Caribe lo guia e kliente paso- a- paso den e proseso di hipoteka. Ta bon pa menshoná ku tur persona ku risibí un hipoteka di Banco di Caribe lo ta den rifa pa gana un di e kuater premionan di Naf. 10.000 florin kèsh esaki en konekshon ku selebrashon di 40 aña Banco di Caribe. Ademas di esaki Banco di Caribe ta ofresé; interes ekstra atraktivo, posibilidat di finansiamentu te 100% ku Fondo di Garantia, pakete di seguro atraktivo ku ta kubri tur loke ta nesesario i amortisashon (pago mensual) pagabel i na midi. Pa apliká pa un hipoteka bishitá Banco di Caribe i hiba un legitimashon bálido, e dos último notanan di salario, deklarashon di dunadó di trabou i e dos último estadonan di kuenta bankario. Pa hasi e proseso un poko mas lihé por trese tambe e plan di konstrukshon si ta deseá di konstruí un propio kas, pèrmit di konstrukshon i un ‘meetbrief’. 
Hasi bo kas un hogar di bèrdat na un manera fásil, efisiente i sigur ku Banco di Caribe su kampaña di hipoteka. E kampaña aki lo ta bálido te 31 di Desèmber, 2013 i ta vigente solamente pa merkado di Kòrsou. Pa mas informashon por bishita e websáit www.bancodicaribe.com .Na momento di tuma un hipoteka no kore niun riesgo, aserká Banco di Caribe!