Apliká i gana un biahe pa bo destinashon faborito

Willemstad – Òktober 2015: Banco di Caribe a hasi introdukshon di su kampaña nobo, “Travel Madness di Caribe” ku ta duna e kliente chèns di gana un biahe pa dos persona inkluyendo estadia i un MultiCard ku 1,000 dòler pa gasta. E destinashon di luna di òktober 2015 lo ta Panama i tur ku apliká pa sea un hipoteka, fiansa personal, fiansa pa outo òf un MasterCard tin chèns di partisipá! Ken lo no tin gana di bishitá Panama? E pais den Sentroamérika sigur ta un gran faborito pa tur ku ta gusta bai di kompra.

Ta e idea pa tur luna Banco di Caribe rifa un pakete di biahe di VIP Travel. Ademas, e kliente ta probechá di interes spesial, un seguro na midi pa e hipoteka òf fiansa i un aña di miembresia grátis pa e MasterCard. Temporada di fin di aña ta yegando; esaki ta e temporada ku hopi hende ta gusta remodelá nan kas, kumpli un deseo, kisas hasta kuminsá aña den nan propio kas of ku un outo nobo. Pa tur ku ta bai di biahe un tarheta di krédito sigur lo fasilitá pagamentu den eksterior.

Ta importante pa klientenan sá ku e tómbola ta akumulativo, ku ta nifiká ku si bo no gana durante di un luna spesífiko- bo ta keda den e tómbola pa e siguiente lunanan den e kampaña. Te ku dia 31 di desèmber, 2015. E kampaña ta bálido pa merkadonan di Kòrsou, Boneiru i St. Maarten; bishitá www.bancodicaribe.com pa mas informashon i e kondishonnan ku ta aplikabel. Tambe por yama ‘Customer Support’ na 432-3200 pa preguntanan di “Travel Madness di Caribe”.