ORANJESTAD: Recientemente Banco di Caribe a haci donacion di computernan na La Salle College. Sr. Elvin Maduro, Managing Director di Banco di Caribe a entrega e computernan diaranson ultimo y a indica di ta masha contento di por duna un contribucion na e scol cu Sr. Maduro tabata alumno di dje, cu ta La Salle College.

La Salle College ta un scol cu ta duna enseñansa na alrededor di 540 alumno y ta conta cu 34 docente dedica na formacion di e hobennan. Tabata Sr. Frank Brandon docente di La Salle College cu a ricibi e computernan na nomber di directiva di e scol. E contribucion na La Salle College ta cuadra perfectamente den e liña di maneho di donacion di Banco di Caribe. Manera cu Sr. Maduro a indica durante entrega di e computernan; ta e hobennan ta futuro di Aruba, y bisando esey ta pone accion tras di palabra aportando na educacion y nan scol. Riba foto adhunto momento di entrega diaranson mainta na La Salle College. Hopi exito!