scol cu contenido na Música Por Educación

ORANJESTAD: E dianan ta acercando pa nos muchanan bay scol bek y lamentablemente no ta tur mayor tin e mesun recursonan. Esey mes ta haci cu e radiothon di Caliente 90.7 FM a resulta un iniciativa masha exitoso. Ya ta 8 aña caba cu Caliente 90.7 FM ta organisa e radiothon pa recauda material di scol pa mucha di menos recurso. Diasabra ultimo Banco di Caribe tambe a contribui na e bunita causa entregando 25 tas di scol cu contenido.

Banco di Caribe ta aplaudi e iniciativa di Caliente 90.7 FM y ta uni su mes na tur esunnan cu a haci un donacion. Actualmente tin hopi mayor cu a perde trabao y esaki ta haci e situacion hopi dificil pa nan cumpra e articulonan di scol pa nan yiunan. E materialnan colecta durante di e radiothon lo wordo duna na mucha di menos recurso y tambe na Fundacion pa nos Comunidad.

Riba e potret por mira director di Banco di Caribe Sr. Elvin Maduro haciendo entrega di 25 tas di scol completamente yen cu articulo di scol na Sr. Juan Carlos Ventura director di Caliente 90.7 FM.