Lo stòp di emití Chèk entrante 1 di ougùstùs 2021

WILLEMSTAD: Meskos ku mayoria instituto finansiero den region, Banco di Caribe tambe ta sigui e desaroyo mundial di digitalisashon. Meta ta pa ofresé kliente un servisio rápido i efisiente teniendo kuenta ku e tempu ku nos ta bibando. Konsekuentemente, Banco di Caribe lo eliminá emishon di Chèk personal i komersial, entrante promé di ougùstùs 2021. Esaki pa merkadonan di Kòrsou, Boneiru i Sint Maarten.  

Banco di Caribe ta kontentu di por ofresé su klientenan un servisio moderno i aktualisá. Klientenan por kambia uso di Chèk fásilmente pa Banco di Caribe Online i hasi transakshonnan bankario rápido i seif den propio komodidat.  Ku e aplikashon di BdC Mobile App por asta hasi transakshon riba selular; unda ku ta, i ki ora ku ta. TUMA NOTA, ku entrante promé di novèmber 2021 Banco di Caribe lo no aseptá ni prosesá Chèk mas.  E fechanan menshoná den e komunikado aki ta vigente pa Banco di Caribe Kòrsou, Boneiru i Sint Maarten. Pa mas informashon tokante BdC Online Banking  bishitá www.bancodicaribe.com