WILLEMSTAD- yüni 2015; Djabièrnè mainta último algun mucha di skol básiko a haña chèns pa bishitá “Dolphin Academy” i eksperensiá un enkuentro ku dòlfein. Tur esaki den kuadro di e proyekto yamá ‘Bayena i Dòlfein’. Durante di e mainta edukativo e muchanan ta wak algun pelíkula di dòlfein, entrenamentu di e dòlfeinnan i tambe e señalnan ku entrenadó ta duna na e dòlfein durante di kada show. Banco di Caribe a adoptá dos klas pa e periodo di aña eskolar 2014/2015. Tur dos klas ku Banco di Caribe a adoptá tabata di St. Antonius College. E promé klas a bishitá e proyekto dia 28 di Mei último.

‘Bayena i Dòlfein’ a kuminsá na 2005. Dolphin Academy su meta ku e proyekto aki ta pa duna tur mucha di Kòrsou oportunidat di siña tokante bayena, dòlfein i e bida marítimo i kon ta hasi konservá esaki. E proyekto aki ta kuadra perfektamente den e liña di maneho ku Banco di Caribe tin pa su plan di patrosinio. Sr. Percy Virginia , Direktor na Banco di Caribe tambe tabata presente pa asina a dirigí algun palabra na e muchanan.