WILLEMSTAD:  Banco di Caribe ta kontentu di por anunsiá ku su filialnan ta abrí na orarionan di kustumber. Pa purba mantené tur filial ‘Covid-Proof’, ta pidi koperashon di klientenan  pa tuma nota di algun adaptashon den servisio. Tur servisio, ku eksepshon di servisio na kaha, ta rekerí un sita. Tuma nota ku únikamente e branch na Saliña i Sta. Maria lo por asistí pa sitanan di fiansa, tarheta di débito òf krédito i otro servisionan ya kustumbrá. Banco di Caribe ta enfatisá ku e medidanan relashoná ku COVID-19 ta keda vigente den tur filial. Pa motibu di esaki, nos lo mantene reglanan di higiene i distansia sosial vigente.

Aplikashon fásil i lihé Online

Ta kòrda tur kliente ku ta perfektamente posibel pa regla asuntunan bankario ‘online’. Banco di Caribe ta enkurashá su klientenan pa hasi uso di www.bancodicaribe.com si mester apliká pa un fiansa, tarheta di débito òf krédito, MultiCard, servisio di SMS Alert òf BdC Online. Tur esnan ku lo mester di asistensia personal por hasi un sita; manda un email na info@bancodicaribe.com. Banco di Caribe semper a para pa digitalisashon ku un toke personal, esei mes ta hasi ku BdC Online ta fásil pa usa. Balelapena pa eksplorá e wèpsait awor ku Kòrsou ta kustumbrando ku e ‘normal nobo’ i ku distansia sosial ta di sumo importansia.

Tuma nota di orarionan di Banco di Caribe

Banco di Caribe su filial na Saliña, Sta. Maria i Otrobanda ta abrí di 8’or di mainta pa 4’or di atardi, di djaluna pa djabièrnè. Filial na Sambil ta abrí di 10’or di mainta pa 5’or di atardi i riba djasabra di 10’or di mainta pa 2’or di mèrdia. Ta anunsiá tambe ku departamento di invershon i seguro  ta abrí di 8’or di mainta pa 4’or di atardi, di djaluna pa djabièrnè. Banco di Caribe ta pidi indulgensia di su klientenan si na momento di apliká e distansia sosial por kousa tardansa ya ku lo permití únikamente un sierto kantidat di hende simultaniamente den e filial.  Pa mas informashon por bishitá nos wèpsait.