WILLEMSTAD- NOV 2019:  Despues di algun luna di remodelashon Banco di Caribe na Sta. Maria ta kasi klá pa su reapertura dia 11 di novèmber próksimo. Tantu paden komo pafó di e edifisio a keda remodelá. Banco di Caribe lo selebrá e reapertura di su filial na Sta. Maria durante 1 siman ku diferente insentivo pa klientenan.

Un siman di selebrashon!

 Di 11 pa 15 di novèmber próksimo, na momento ku lanta sèn na un di e ATMnan ku un tarheta di débito di Banco di Caribe na e edifisio resien remodelá na Sta. Maria un total di 15 kliente lo tin chèns di gana 100 florin. Tambe, tur hende ku apliká pa un tarheta di krédito lo risibí su promé aña di miembresia grátis. Den e periodo aki ta bon pa bo kumpra un MultiCard ya ku e ta kosta solamente 12.50 dòler, kontrario na su preis normal di 25 dòler pa 2 aña. Pensando riba un fiansa personal e fin di aña aki? E siman di reapertura di Banco di Caribe Sta. Maria ta ideal; tur esnan ku apliká pa un fiansa personal lo risibí un interes spesial! Pa kondishonnan di e kampaña por bishitá nos wèpsait www.bancodicaribe.com.

Banco di Caribe na Sta. Maria

Banco di Caribe na Sta. Maria a abri su portanan na aña 1992 i a bin ta sirbi klientenan den e área di Sta. Maria i di Bándabou diariamente ku nan transakshonnan bankario. Lo mantené e orarionan kustumbrá, di djaluna pa djabièrnè for di 8’or di mainta pa 4’or di atardi. Riba dia di reapertura, 11 di novèmber, lo abri 10’or di mainta.

Tuma Nota

Durante di remodelashon di Banco di Caribe na Sta. Maria a abri e filial na Sambil 2 ora mas trempan.Entrante 11 di novèmber próksimo Banco di Caribe na Sambil lo bai bèk na su orario normal di 10’or di mainta pa 5’or di atardi. Pa mas informashon por yama 432 3200 òf bishitá nos wèpsait.