Apliká pa e fiansa spesial i risibí lès grátis

WILLEMSTAD: Un kos ta sigur, e pandemia a reta nos pa adoptá un aktitut mas digital. Den esaki mester krea espasio pa esnan mas grandi den nos komunidat tambe. Pa e motibu ei Banco di Caribe a uni forsa ku Go Rent Curaçao di manera ku por yuda esnan mas grandi keda konektá ku e mundu digital. E importansia di por regla mayoria asuntu ‘online’, ta hasi ku atkisishon di un Lèptòp a bira kasi indispensabel. Go Rent Curaçao huntu ku Banco di Caribe ta lansa un kampaña pa fasilitá esnan mas grandi yega na un Lèptòp pa por e.o paga nan resibunan mensual sin mester sali kas. Klaro, keda den kontakto ku yu, ñetu òf famia den eksterior ta é chèri riba e bolo!

Nos grandinan den un era digital:

For di 23 di ougùstùs te dia 3 di sèptèmber 2021, Banco di Caribe lo ofresé un interes super spesial pa un fiansa personal. Ademas di e interes spesial, Go Rent Curaçao lo ta enkargá ku diferente lès pa siña esnan mas grandi kon pa traha ku un Lèptòp. Paketenan di Lèptòp ta inkluí 4 lès di informashon i 4 lès grátis. Finalmente, nos grandinan tin un Lèptòp nobo i tambe e informashon nesesario pa traha kuné. Banco di Caribe di su parti lo instruí tur kliente ku tin nan BdC Online, kon pa traha ku esaki.

Kon pa apliká?

Por apliká fásilmente via di e wèpsait www.gorentcuracao.com, yama òf manda un mensahe via Whatsapp na 521.3332 Después di esaki, si e kliente ta deseá, por laga Go Rent Curaçao mes kuminsá ku e proseso di aplikashon pa un fiansa via Banco di Caribe òf e kliente por traha un sita i pasa personalmente na Banco di Caribe ku su formulario di Go Rent Curaçao. Pa mas informashon relashoná ku e fiansa personal aki por yama 432.3200.