WILLEMSTAD- Nos ta den temporada di fakansi i hopi hende ta probechá e dianan aki pa bai di biahe. Banco di Caribe ta konsiente ku esaki ta e temporada ku uso di tarhetanan di débito i krédito ta mas ku normal. Pa e motibu aki ta rekordá tur kliente ku ta bai di biahe  pa aktivá nan tarheta di débito. Por hasi esaki  riba BdC Online i mésora regla e fecha ku mester aktivá bo tarheta pa ora di bai den eksterior, i e fecha ku mester desaktivá bo tarheta ora ku bo yega Kòrsou bèk. Tambe, por ahustá bo límite total di dia pa lanta sèn na ATM i paga ku bo tarheta di débito den un negoshi. 

Spar tempu; deskargá e App!

Promé ku un fakansi semper tin hopi kos di regla; spar tempu i hasi e proseso di aktivashon via di Banco di Caribe su App. Deskargá e Mobile Banking App grátis den Google Play Store òf Apple Store, selektá bo merkado di residensia, usa bo Security Token pa ‘login’ i aktivá bo tarheta di  débito promé ku bo biaha. Asta si bo lubidá di hasi esaki ora bo ta na Kòrsou, si bo tin bo Security Token por hasi esaki, unda ku ta i ki ora ku ta!

Si bo no tin BdC Online ainda:

Na tur kliente ku ta bai di biahe i ku no tin BdC Online ainda, ta rekomendá pa bishitá un di e filialnan di Banco di Caribe mínimo dos dia promé ku sali pa eksterior. Ta importante pa indiká e fecha ku Banco di Caribe mester  aktivá i desaktivá e tarheta pa uso den eksterior. Ta enfatisá ku si no hasi e pasonan menshoná pa aktivá e tarheta di débito esaki lo por trese algun inkumbiniensia innesesario pa e kliente. Registrá pa BdC Online; e lo fasilitá e proseso na un próksimo okashon. Pa mas informashon por bishitá www.bancodicaribe.com òf yama 432 3200.