Ku chèns di drenta e Money Machine i gana premio!

WILLEMSTAD:  Djasabra dia 21 di aprel próksimo, Banco di Caribe, Prowin Motors & International Automobile lo bai tin nan promé outoshow huntu. Lo tin deskuento atraktivo riba preis di outonan marka Audi, Volkswagen i SEAT. Ademas, tur persona ku riba e djasabra aki kumpra un outo lo risibí un weekend-stay grátis den Santa Barbara Beach Resort.

Bishitá e showroom di Prowin Motors na Skèrpènè entre 9’or di mainta i 3’or di atardi i skohe un bunita outo ku ta ‘fit’ bo estilo di bida. Banco di Caribe ta dunabo e oportunidat pa kumpra un outo nobo ku posibilidat di finansiamentu di te asta 7 aña. Hasi un test-drive den e Audi- A3, A7 of Q1 i keda enkantá. E djasabra aki ta perfekto pa haña tur informashon di e tan gustá Volkwagen- Gol, Tiguan i Saveiro. E Volkswagen Tiguan ta ‘trending’ na Kòrsou, e ta un outo ku 7 stul na un preis rasonabel i ku un prestashon tremendo! No lubidá ku  Prowin Motors & International Automobile  ta agente di SEAT  ku  modelonan Ibiza, Leon i Ateca tambe.

Tur ku ta deseá di kumpra un outo nobo djasabra awor i ke un pre- aprobashon ‘on the spot’ lo mester trese e último 2 slepnan di salario, identifikashon bálido i deklarashon di doño di trabou. Den kaso ku e kliente no tin un kuenta di Banco di Caribe ainda, mester trese e dos último estadonan di kuenta tambe.  Banda di esaki, tur kliente ku risibí pre- aprobashon mesora ta haña e chèns di drenta den e Money Machine di Banco di Caribe i gana un premio di ANG 100,- garantisá!