Remodelando kas pa e fin di aña aki?

WILLEMSTAD:- Ya kaba fin di aña ta aserkando i ta un tradishon ku ta drecha sea e ‘kurpa’ di kas òf e interior. E aña aki Banco di Caribe i Muebleria di Credito ta ofresé su klientenan e oportunidat di kumpra nan mobilario nobo durante di e dia di fiansa ku lo tuma lugá 11 di Òktober próksimo for di 9’or di mainta te 1’or di atardi. Banco di Caribe lo tin su tim presente pa por duna informashon riba un fiansa kumbiniente basá riba e preis kèsh na momentu di kompra. Tambe por apliká pa un fiansa mesora na un interes atraktivo. Ta bon pa rekordá esnan ku ta deseá di probechá di e oferta spesial aki pa bini ku último 2 slepnan di salario, identifikashon bálido, deklarashon di doño di trabou i e último 2 estadonan di kuenta (si bo no ta kliente di Banco di Caribe ainda). Muebleria di Credito ta situá na Parke Komersial B5, Veeris. Ata e oportunidat pa drecha e interior di kas manera ku bo ta deseá ku un fiansa faborabel di Banco di Caribe. E dia di fiansa aki tambe ta ideal pa tur ku a traha un kas nobo òf ta den e proseso di konstrukshon di kas; skohe e mobilario for di awó i paga esaki di un manera kómodo. Djasabra awó, 11 di òktober Banco di Caribe ta invitábo pa bishitá Muebleria di Credito (Veeris) i skohe e mobilario di bo smak i paga tiki tiki.