…Preis di kas kuminsando na Naf. 165.000 …

WILLEMSTAD- yüli 2016: Si bo tin deseo di tin bo mes kas, Banco di Caribe huntu ku ‘Mi kas Mi soño’ ta yudabo ku esaki. Djasabra awor dia 9 di yüli lo tin un dia abrí na e proyekto di bibienda ‘Piedra Dushi Resort’, situá na Stenen Koraal. Por bishitá e proyekto di 10’or di mainta te 4’or di atardi. Un i Tur por pasa atmirá e kasnan di ‘Piedra Dushi Resort’ i risibí informashon i konseho tokante di hipoteka.

E proyekto di bibienda ‘Piedra Dushi Resort’ ta konsistí di kasnan nobo ubiká na Stenen Koraal 59. Tin  diferente modelo di kas ku sea 2 òf 3 kamber. Preisnan di kas den ‘Piedra Dushi Resort’ ta kuminsá na Naf. 165.000 i ta inkluí Pagatinu, un kushina básiko i un bòn di Naf 500 pa kumpra artíkulonan pa kas. Si semper bo tabata deseá un kas propio, esaki ta un bon oportunidat! Bishitá e dia abrí djasabra awor, kana orientá i hasi tur pregunta ku por yudabo yega na bo propio kas. Pa mas informashon tokante e dia abrí por yama 6701877 òf App 5103977. Ta bon pa menshoná ku tur esnan ku registrá, lo risibí deskuento na kompra di un kas.

Pa hasi kalkulashon di un hipoteka spesífiko, e kliente mester bini ku su último 2 slepnan di salario, identifikashon bálido i deklarashon di doño di trabou. Den kaso ku bo no ta kliente di Banco di Caribe ainda, mester trese e dos último estadonan di kuenta tambe. Pa tur sobra detaye tokante hipoteka, por bishitá e wèpsait www.bancodicaribe.com òf yama telefon 432 3200. Banco di Caribe i ‘Mi kas Mi soño’ ta wardabo!