…”Enjoy your ride” riba 15 di novèmber…

WILLEMSTAD- Novèmber 2014: Djasabra benidero Banco di Caribe ta presentá su outo show huntu “Enjoy your ride” huntu ku Caribbean Motors, Prestige Ford i Mercedess-Benz. Loke ta hasi e outo show aki diferente di tur sobrá ta ku e ta tuma lugá den dos showroom simultáneamente, na Julianadorp i Zeelandia. Entre 9’or di mainta i 2’or di atardi un i tur ta kordialmente invitá pa buska e modèl di outo perfekto pa habri 2015 den stail. Manera ta e kustumber Banco di Caribe semper ta pèrkurá pa ofertanan na midí pa hasi bo soño di kumpra un outo bira realidat. Dia 15 di Novèmber próksimo tur kliente por probechá di un interes abou di 3.25% (APR 5.82%) i posibilidat di finansiamentu te 7 aña serka Banco di Caribe. E interes spesial aki lo bini kompañá ku un pakete di seguro atraktivo. Pa apliká pa un fiansa di outo na Banco di Caribe ta fásil. Bishitá e outo show djasabra awor ku bo último 2 slepnan di salario, identifikashon bálido, deklarashon di doño di trabou i e último 2 estadonan di kuenta (esaki si bo no ta kliente di Banco di Caribe ahinda). Lo tin kontesta rápido riba tur petishon pa fiansa di outo hasí riba e djasabra aki. Ta bon pa menshoná ku lo tin deskuento spesial riba modèlnan 2014. Banco di Caribe, Caribbean Motors, Prestige Ford i Mercedes-Benz ta invitá un i tur pa pasa i atmirá e modèlnan di outo 2014 i 2015 i asina “Enjoy your ride”.