…djasabra 7 di Febrüari próksimo…

WILLEMSTAD- Yanüari 2015; Djasabra 7 di febrüari próksimo e show room di KIA i Nissan, ubiká na Junostraat #6 Saliña, lo ta e sentro di atenshon pa tur esnan ku ta deseá di habri 2015 den un outo nobis nobis.  Entre 9’or di mainta i 3’or di atardi lo tin un otro show di outo ku ofertanan di kita sombré. Durante e outo show Banco di Caribe lo ofresé un interes di 3.25% (APR 5.82%) i posibilidat di finansiamentu te 7 aña. Pa kompletá e oferta Banco di Caribe ta kombiná e interes spesial aki ku un pakete di seguro atraktivo i na midí. Esaki ta e oportunidat perfekto pa bo kumpra bo outo na un interes super abou. Pa apliká pa un fiansa di outo na Banco di Caribe durante di e evento ta fásil; djis presentá ku bo 2 último slepnan di salario, identifikashon bálido, deklarashon di doño di trabou i e último 2 estadonan di kuenta (esaki si bo no ta kliente di Banco di Caribe ainda) i warda bo kontesta einan mes. Banco di Caribe, Global Motors i Universal Motors ta invitá un i tur pa pasa i atmirá e modèlnan 2015 di KIA i Nissan dia 7 di febrüari próksimo. “Aña nobo…outo nobo”!