WILLEMSTAD: Djaluna mainta tempran, klientenan di Banco di Caribe a yega na branch prinsipal pa selebrá 45 aniversario di nan banko. Sr. Fons Simon, CEO i General Managing Director a yama tur hende bon biní, “Awe ta un dia grandi pa nos i pa boso. Algun di boso tin 45 aña huntu ku nos i esei ta sufisiente motibu pa selebrá. Den boso ta keda personifiká nos dedikashon i determinashon pa ofresé tur dia un bon servisio i duna kontenido na e lema ‘Nos ta honra bo konfiansa.’. E dia di awe no por pasa sin mas; nos ta selebrá un soño realisá, 267 empleado dediká repartí den 5 branch na Kòrsou. Huntu, nos ta Banco di Caribe!”

E selebrashon a kuminsá for di mainta 9’or na unda klientenan di Banco di Caribe a wòrdu invitá pa un salú ku bolo i presentashon di Norman Moron Trio. Despues, parti mèrdia a repartí pasaboka di trùknan di pan Kòki Riba Blòki i Hot Pepper miéntras Grupo Kompèr a pone tremendo ambiente.