Ocho kliente a gana ANG 10,000

Willemstad – Mrt2014: Tabata djaluna atardi ku Banco di Caribe a hasi entrega di premio di dos kampaña ku a marka e selebrashon di nan 40 aniversario. Ganadónan di tantu Kampaña pa Fiansa Personal komo esnan di Kampaña pa Hipoteka a bini Banco di Caribe Saliña pa huntu ku maneho di e banko selebrá e momento. Pa kada kampaña a saka 4 ganadó ku kada un a gana ANG 10,000 en total Banco di Caribe a hasi 8 kliente felis ku un premio di 10,000 florin. Pa selebrá e momento, Banco di Caribe a tene un evento privá pa e ganadónan, pa huntu ku nan famia i sernan kerí risibí nan premio den presensia di ehekutivonan di Banco di Caribe.Pa motibunan di privasidad no ta publiká nòmber ni potrèt di e ganadónan. “Nos a klousurá dos kampaña ku a resultá masha eksitoso. Nos ta kontentu i honrá pa e konfianza ku klientenan i ganadónan a pone den Banco di Caribe pa yuda nan alkansá horizontenan nobo- sea tabata pa e hipoteka ku a yuda nan kumpra òf traha e kas di nan soño òf e fiansa personal ku a pèrmití nan kumpli ku kualkier meta den nan bida. Masha Pabien na tur ganadó”, esaki di akuerdo ku Sr. Fons Simon, CEO i General Managing Director di Banco di Caribe.