Sra. Dijkhoffz, Gerente General di Banco di Caribe St. Maarten; ”Satisfakshon di kliente ta keda nos prioridat”

PHILLIPSBURGH/ KRALENDIJK- Sèptèmber 2013: Tabata djaluna último ku Banco di Caribe a hasi apertura di su di dos sukursal na St. Maarten. Den e branch aki nos klientenan lo risibí tur servisio i tur komodidat ku nan tin mester risibiendo e mes bon servisio di semper”. E branch nobo ta situá na, W. J. A. Nisbeth Road # 99, Philipsburg, St. Maarten. Tabata na aña 2007 ku Banco di Caribe a ekstendé su operashonnan ku e merkado di St. Maarten, for di e momento ei a ofresé klientenan un full-service branch i awor a habri un di dos branch pa por keda ofresé e bon servisio ku Banco di Caribe semper a para p’e. E banko tin, sukursal na Boneiru, Kòrsou, Aruba i St. Maarten. Na e filial nobo klientenan por, habri kuenta koriente i kuenta di spar, hasi aplikashon pa hipoteka, fiansa personal i tarhetanan di krédito. Ademas e kliente por hasi tur transferensia bankario i suskribí pa servisionan di BDC Online. Empresarionan tambe por sinti nan mes na kas, ya ku na e filial nobo tambe por akudí pa fasilidatnan di ‘corporate banking’ i pa servisionan di ‘punto di benta’, ku ta e mashin di ‘swipe’ den establesimentunan komersial. Di akuerdo ku Sra. Madelon Dijkhoffz, gerente general di Banco di Caribe, satisfakshon di kliente ta keda nan prioridat. “Nos lo pèrkurá pa kada kliente risibí un servisio profeshonal i personal, di akuerdo ku su nesesidatnan bankario”. E filial nobo di Banco di Caribe na W. J. A. Nisbeth Road # 99 tambe ta ekipá ku un mashin di ATM kaminda e kliente por retirá plaka, chèk su saldo di kuenta òf hasi otro transakshonnan bankario. Ounke e branch nobo ta un poko mas chikitu, e ta sentral i ta ekipá ku un personal profeshonal pa ofresé tur servisio i hasi e eksperensia bankario di e kliente plasentero. Banco di Caribe na Simpson Bay i Nisbeth Road lo ta habrí di djaluna pa djabièrnè di 8.30 am pa 3.30 pm. Nos ta invitá tur kliente i tur esnan interesá pa pasa na e ofisina nobo na W.J.A Nisbeth Road #99