A selebrá ku ganadónan di e kampaña

Willemstad – JAN 2019:  Djarason atardi Banco di Caribe a klousurá su kampaña ‘Travel Madness’ i a invitá tur e ganadónan di su kampaña na branch prinsipal pa un selebrashon chikitu. Manera ya ta konosí, Banco di Caribe a bin ta rifa un pakete di biahe tur luna for di sèptèmber te desèmber 2018 entre tur esnan ku apliká pa un hipoteka, fiansa personal, fiansa pa outo òf un tarheta di krédito. E último ganadó tabata sra. Louisa ku a gana e biahe krusero pa dos persona inkluyendo estadia i un MultiCard ku 1,000 dòler. Durante di e kampaña klientenan a gana biahenan pa Cuba, Las Vegas, Jamaica i finalmente e krusero ku lo bishitá entre otro Cozumel.

Djarason último, sr. Eduardo de Kort, Managing Director Commercial Affairs di Banco di Caribe a gradisí tur kliente ku a partisipá na e kampaña pa nan konfiansa i a felisitá e ganadónan ku nan premio. Ademas, tur ganadó a risibí un opsekio ku nan por usa durante di nan biahe.  Banco di Caribe por mira bèk riba un kampaña eksitoso i ta invitá klientenan pa tene su página di Facebook na bista ya ku den 2019 lo tin mas kampaña interesante. Riba fotonan athunto por haña un impreshon di e evento ku a tuma lugá djarason último na branch prinsipal di Banco di Caribe. Masha pabien na tur e ganadónan!