Manera tur aña e fiesta ta kontinuá na KFC Sta. Maria!

Willemstad- Novèmber -2015; Djasabra awó ta e dia; e kurasonnan ya a kuminsá bati duru! Muchanan di Kòrsou ta kontentu ku yegada di Sanikolas i Subway, Pizza Hut i KFC a prepará engrande pa selebrá e dia aki huntu ku nan. Tur 3 restorant un biaha mas a hasi nan kontribushon pa realisashon di e aktividat, ‘E Yegada di Sanikolas 2015’. Esaki mes ta motibu pa den e parada di bon biní algun ‘piet’ bistí na e kolónan di tur tres restorant kompañá Sanikolas miéntras e ta direkshon plasa Brion.

For di den oranan trempan di mainta Subway, Pizza Hut i KFC na Brionplein lo ta habrí ku diferente promoshon atraktivo i un ‘treat’ spesial pa e muchanan. E show di Sanikolas ta kuminsá 8’or, miéntras ku Sanikolas mes lo yega Willemstad 9’or.  E ‘pietnan’ bistí na e kolónan di Subway, Pizza Hut i KFC lo kompañá Sanikolas den e parada for di Mattheywerf pa Brionplein. Durante di e aktividatnan riba plasa Brion, e tim di promoshon di tantu Subway, Pizza Hut i KFC lo ta aktivo informando un i tur di e ofertanan ku tin riba e dia spesial aki. Despues di e aktividat, Sanikolas i su pietnan lo hasi e bishita tradishonal na KFC Sta. Maria. Tur mucha ta keda invitá pa huntu ku nan mayornan saka potrèt i pasa un mèrdia kontentu disfrutando di músika, bouncers i un show di Sint ku su Pietnan. Yega KFC Sta. Maria trempan i evitá e tráfiko – show ta kuminsá 1:30 di mèrdia.