En konekshon ku 45 aña karnaval Kòrsou, nos di Events 4U foundation, den estrecho koperashon ku MEO, kier a trese un aspekto nobo den selebrashon di Karnaval. E idea ta pa bini ku un selebrashon den bándariba tambe i asina bini ku un parada di karnaval pa banda riba, ku lo mester bira un marcha ku ta ripití tur aña, naturalmente tur aña ku un otro kreashon. En lo futuro mester bira ku kada bario ta bini ku su propio grupo i asina hasi e parada aun mas grandi. Sigur e no mester bira un marcha ku bo ta bai kompetí ku marcha grandi ni marcha di banda bou. E parada lo haña un aspekto mas liber, ku kada grupo o bario ku nan kreashon, simpel fásil i no kostoso. E echo ku e temporada ta kòrtiku pa febrüari 2105, Nos a tuma e inisiativa komo komishon, pa bini ku algu inovativo, ku na Merka ,Hulanda i Hapon i diferente Pais mas ta hopi popular awor aki, E asina yamá ‘electric run’’. Den e kaso aki nos ta kombèrtié den un’’ Electric Carnival Parade’’. Tema ku nos a skohe pa e ‘’electric parade’’, ta’’ Neon flirt’’! Pues krea bo fantasia ku kolonan di Neon i akabele ku lus. Nos a skohe e fecha di 1 Febrüari 2015, ku ta un Djadumingu atardi pa kue anochi. E parada aki ta hopi atraktivo tambe pa turistanan, i sigur  nos lo bai enbolbí nan tambe aden. P’esei mes nos ta focus tur nos promoshon nan tantu na papiamentu  komo ingles, komo idioma internashonal. E músika tambe ta bai ta varia. Nos tumba sigur ta aden, pero tambe otro tipo di músika esta, kalipso, soka, house etc. Nos tin kaba palabrashonnan hasi kaba Gio Fuertisimo i ERA. Tambe nos lo tin DJ Nos a skohe un ruta ku ta sentral di banda riba, i aksesibel pa tur hende por yega. E ruta stipulá ta ;Sali for di Suvek, kue Sta Rosaweg,  sigui stret, i bai kaba na krusada di Oloshi, kaminda ta Sterke Jerke. A lo largo di e ruta tambe nos lo krea algun’’ Elecrtric Corner’’ . Einan nos lo pone tèntnan dekora, i naturalmente por kumpra bibida i algu di kome pero tambe krea bo propio ambiente. Pues lo e bira skinanan di ambiente. Nos tin un komishon ku ta konsistí di;  Janice Welhous; Felippe Guanipa;  Keshava Camelia;;Druusje Jansen; Archel Calister; Caresse Balentien- Hooi; Monque Koeyers-Felida; Jamel Janga Presidente  di e komishon lo ta Janice Welhous,  tel. 5686043. relashonista públiko lo ta Caresse Balentien-Hooi.  tel. 5197472.