Djadumingu dia 27 di ougùstùs 2017

WILLEMSTAD- Den kuadro pa sigui yuda konsientisá nos komunidat pa pone mas atenshon na nan kurason, BECEL, TeleCuraçao FM, Curaçao Lions Club, Universal Motors Kia i

Maduro & Curiel’s Bank ta djòin un biaha mas pa huntu organisá e kaminata “Ban Move Awor”. Aparte ku kanamentu semper ta super bon pa salú, tur loke keda generá pa medio di e kaminata aki ta bai pa un bon kousa. Moises de Marchena & Sons ku ta e kompania representante di e produkto BECEL, un margarina ku ta kontené Omega 3 i 6 ku ta yuda tene bo kurason i arterianan salú, a skohe Curaçao Heart Foundation komo e organisashon ku lo risibí e montante ku keda generá pa medio di e kaminata “Ban Move Awor”. Curaçao Lions Club tambe lo hasi un donashon na Curaçao Heart Foundation. Maduro & Curiel’s Bank, É Banko Amigu di deporte, pa di 6 aña konsekutivo ta un di e patrosinadornan di e grandioso kaminata “Ban Move Awor”. MCB ta konosí pa su sostén na  diferente ramo di deporte, tambe ta duna su sosten na “Ban Move Awor” pasó ta un kaminata ku henter famia por partisipá n’e i kanamentu alabes ta tene nos mente i kurpa den bon kondishon i salú. TeleCuraçao FM tambe ta stimulá tur Yu di Kòrsou pa Ban Move Awor.

E Yu di Kòrsou ta konsiente di su salú i ta tene su kurason den bon kondishon usando Becel. Hasiendo ehersisio tambe ta mantené e kurpa i kurason salú. E kaminata ta keda akompaña musikalmente pa tráiler di mùsika ku dj’nan popular di TCFM. E kaminata “Ban Move Awor” ta tuma lugá djadumingu 27 di ougùstùs 2017 i ta start 7:00 am.

E kaminata ta start na Showroom di KIA na Saliña i partisipantenan ta kana un distansia di 7 kilometer. Pa tur persona ku ta interesá,T-shirt pa adulto ta NAf.15,– i NAf.10,– pa mucha te 12 aña. Kada persona lo risibí un t-shirt, durante e ruta lo tin awa i na final di e kaminata kada persona lo risibí un “Ban Move Awor” goody bag. Promé ku salida, tur partisipante tin oportunidat pa midi nan preshon grátis i manera tur aña nos lo tin un warm up pa 6:30AM, pa lòs e múskulonan. Esaki ta na enkargo di coach Sabina.

T-shirt ta optenibel for di 14 di ougùstùs na Showroom di KIA (na Saliña) durante oranan di ofisina i dianan 23-24-25-26 di ougùstùs na e supermarkadonan –Centrum Mahaai -Esperamos Supermarket – Mangusa Hypermarket i Van den Tweel. Like nos Facebook Page “Ban Move Awor” pa bo keda informá di tur informashon i sintonisá bo radio TCFM. Durante benta na e diferente supermarkadonan tambe tin oportunidat pa midi preshon.

Pa loke ta trata e aspekto di seguridat, organisashon di ‘Ban Move Awor’ tin máksimo atenshon. Kuerpo polisial ta enkargá pa sera e kayanan di e ruta. Ta supliká tur partisipante pa keda riba e ruta stipulá i sigui e reglanan ku e tim di seguridat i polis duna. Si akaso un partisipante kansa tin vehíkulonan bon identifiká ku ta baha e partisipante kaminda e ta deseá riba e ruta. Rode Kruis tambe tei.

BECEL, TeleCuraçao FM, Curaçao Lions Club, Universal Motors Kia i Maduro & Curiel’s Bank ta invitá un i tur pa Ban Move Awor ku bo famia, djadumingu 27 di ougùstùs i alabes yuda kontribuí ku Curaçao Heart Foundation.