WILLEMSTAD —- Ya tin algun siman ku Alemania por yama nan mes Kampeon Mundial di futbòl di 2014.  E di 20 edishon di Kampeonato Mundial organisá pa FIFA a pone tabata un di kompetensianan mas komentá den historia. I aki na Kòrsou tampoko nos no a keda atras. Tabata hopi great di mira fanatikonan anima nan tim faborito den e t-shirt di All In One. Di e sinku paisnan representa den e kampaña di All In One shirt, tres a sa di yega cuartos de final, kual ta Ulanda, Colombia i e pais anfitrion Brasil. Durante e kampeonato por a nota ku potrètnan ku fanatikonan ta gosa ku nan t-shirt di  All In One shirt t’e aya na Brasil. E meta di e kampaña All In One shirt tabata pa fortalesé e imagen i invertí den e futuro di nos dushi pais Kòrsou. Spesialmente pa duna un aporte duradero den desaroyo di muchanan riba nos isla. Den e kuadro aki deporte i moveshon a  hunga un rol prominente. Tur e fondónan ku a wordú rekouda for di benta di e t-shirts a wordú otorgá djabierne tardi na tres instansianan karitativo. E tres instansianan ku a forma parti di e kampaña aki ta: Fundashon FELIS, Fundashon Encelia i konosidó parke di Trafiko. Di e montante risibí kada organisashon lo bai invertí den kumpra materialnan nesesario pa desaroyo riba tereno di deporte. Komo resultado di un kampaña eksitoso e tres organisashonan karikativo lo kontinua traha huntu pa interkambia idea i sera un senergia mas fuerte. Di e t-shirts ku a sobra  tambe lo doná un parti na e muchanan di e instansianan. Sinembargo e tim di All In One shirt ta pará habri pa sugerensia kon lo por pone e sobra t-shirts na bon uso. Un danki spesial ta bai na AFS, Albert Heijn Zeelandia, Beanberry Eetcafe, Bermuda, Boolchand’s Shoeworld, Byrons Tattoo, Café Barista, Citizens Insurance, Delifrance, El Mexicano, Kooyman, Marissa Eykenloof, Leáñez, Momocha, Captured Art, Randyros, Pirate Bay, Rumbera Network, Queen’s Curacao, Fiji Water, Havana Club, Sopranos Sportsbar, Snekkie Bekkie, Van den Tweel Supermarkt, De Jongh’s Sporthuis, Yellow House-Zylo i na e patrosinadó mayó Insel Air. Sin koperashon i partisipashon di e kompanianan e tremendo kampaña aki lo no tabata posibel.