Un kliente di Digicel por gana un VIP experience pa bai Las Vegas!

WILLEMSTAD: E introdukshon di un aplikashon dediká kompletamente na músika ta forma parti di e kompania su transishon pa bira un proveedor di komunikashon i entretenimento. Si ántes, Digicel tabata únikamente konosí pa su produkto i servisionan den telekomunikashon, awendia ku d’Music esei ta kambia. “Klientenan rònt mundu ke akseso fásil i lihé riba nan telefòn di nan kansionnan faborito i Digicel ta kontentu di por fasilitá nan d’Music”, esaki di akuerdo ku head of marketing di Digicel, Shayenne Rock.

Digicel a bin ta krea lasonan fuerte ku partnernan mundialmente rekonosé den mundu di entretenimento i espektákulo, di e forma aki ta garantisá ku usuarionan ta risibí akseso na loke nan gusta. Ku lansamentu di d’Music, Digicel ta duna su usuarionan akseso na 25 mion kansion ku nan por stream semanalmente for di un lista músika, fleksibilidat pa traha nan mesun playlist, akseso na un Tòp 5 di videoclip i lo último den notisia di farándula internashonal- tur esaki riba nan smartphone. “E aplikashon aki ta duna nos usuarionan kontenido fresh i nobo, miéntras nan ta disfrutá di loke nan ta gusta”, asina Shayenne Rock di Digicel a kontinuá.

Próksimamente Digicel lo duna su klientenan chèns di eksperensiá un biahe ‘all inclusive’ pa Las Vegas. Tur kliente ku apliká pa un S, M, L òf un XL All-IN-ONE plan kuminsando for di 69 florin pa luna por download e aplikashon d’Music i us’é pa skucha diferente HIT nan di momentu ku chèns di gana un trip pa Las Vegas. Partisipashon ta kuminsá mesora i ta vigente te ku dia 9 di novèmber próksimo. E biahe pa Las Vegas ta inkluí; pasashi ida i buèlta, estadia di 3 anochi den un hotèl 5 strea, entrada pa Latin Grammy Gala, transportashon den limousine pa e evento i akseso VIP pa e after-party. Lo saka e ganador dia 9 di novèmber próksimo; bishitá Digicel awe mes!