Willemstad 20 di yüli 2017- Ku e lansamentu di e logo i slogan nobo ‘Feel the conection’, UTS a primintí entre otro di proveé su klientenan ‘powerful connectivity’, p’asina nan por konsentrá riba e desafíonan den nan bida diario i tranformá esakinan den éksito i triunfo. Esaki ta posibel pa medio di 4 ‘brand pilar’ ku ta di sumo importansia pa establesé UTS su imágen: konekshon stabil, eksperensia superior di e kliente, servisio na kliente ku ta relevante i un forma ehemplar di liderazgo. UTS ta trahando ku hopi dedikashon pa kontinuamente e por mehorá riba kada un di e áreanan aki.

Ku e enfoke riba un di e ‘brand pilar’ nan aki, ‘powerful network’, UTS, komo e úniko provedó di kobertura di LTE na Kòrsou, resientemente a mehorá, ekspandé i invertí den su ret di LTE i konsekuentemente awor klientenan di Chippie por disfrutá di kobertura LTE rònt nos dushi isla Kòrsou. UTS a kuminsá ku kobertura di LTE den e área di Pariba te ku e área di Sta. Maria i awor a ekspandé su kobertura rònt Kòrsou. Na mes momento, UTS a kambia tambe su ret di 2G i mehorá (upgrade) su ret di 3G.

UTS a introdusí LTE den e promé kuartal di 2016 i e ta para pa ‘ultra fast mobile data’. Te ku awor e ta e último teknologia i tambe esun mas adoptá, riba tereno di telekomunikashon. Ku LTE bo por eksperensiá e konekshon di internèt/data muchu mas lihé riba bo Chippie, unda ku bo bai i sin restrikshon di aplikashonnan popular. Ku e introdukshon di LTE den 2016, LTE tabata inkluí grátis den tur Chippie Premium data packages’ i awor, for di komienso di e aña aki, e ta inkluí grátis den TUR e paketenan di data di Chippie.

Pues esaki, huntu ku e ekspanshon i ‘upgrade’ di e servisio di LTE, awor klientenan di Chippie por gosa di spitnan muchu mas haltu i kobertura muchu mas amplio riba nos isla. Ta bon si pa enfatisá ku p’e kliente por difrutá di LTE, su telefòn òf tablet/Ipad mester sostené e teknologia di ‘LTE bands’. Mayoria bia e fabrikantenan ta indiká si nan telefòn òf tablet/Ipad ta kompatibel ku e teknologia aki, pero si tin duda, semper por akudí na un UTS Store pa konfirmá esaki. Naturalmente telefònnan LTE tambe ta optenibel na nos UTS Storenan.

Pa UTS ta importante pa sigui invertí i keda ‘up to date’, ya ku pa UTS no ta únikamente resultadonan finansiero ta konta, pero tambe desaroyo di un komunidat ku ta progresá i keda konektá 24/7 ku akseso di kalidat na tur e funshonalidatnan ku ta disponibel atraves di retnan di telekomunikashon. UTS ta konsiente di e nesesidat di e poder di por ta konektá ku e personanan ku bo mester ta den kontakto kuné diariamente, sea ku ta un miembro di famia, amigu, sosio òf rekurso empresarial. Ku UTS bo tin e poder pa logra bo metanan den bida i e abilidat pa keda den kontakto ku e personanan ku ta mas importante p’abo, unda ku bo ta na Kòrsou.

Keda pendiente pa muchu mas di UTS. Nos lo trese mas inovashon, paketenan atraktivo, oferta i kampañanan i mas ‘fun’ pa abo, nos apresiabel kliente. Nos tei pa sirbíbo i fasilitá bo den tur bo nesesidatnan riba tereno di telekomunikashon.