Misa di Suffisant a keda masha bunita deekorá

Willemstad- Ya tur kos ta kla i mester bisa ku Misa di La Virge di Fatima aya na Suffisant a keda un presiosidat dekorá i Korsou awe nochi tei eksperenshá pa promé biaha un konsierto  den e bunita misa aki awor kompletamente airekondishoná. Undudablemente e konsierto ku lo bo no por perde e fin di aña aki ta e gran konsierto di Pasku aki  “Ban kanta huntu pa e Rei di Pasku” ku lo konta ku presentashon di artistanan lokal manera Boy Thode, Leslie Voz, Kadir Snijder, Melania van der Veen, Heinrich (Richie Rich) Pieter, Liesela Thomas I tambe Edjean Semeleer. Huntu ku tur e artistanan aki lo tei Pastor Raul. Tambe lo tin algun sorpresa, pues yega tempran pa bo no perde nada. Mester bisa ku e aña aki mas ku nunka hopi atenshon a keda duná na e dekorashon di Pasku den misa di Suffisant i ya ayera esnan ku a bai misa di Aurora por a tuma nota kon bunita misa a keda i ku kuantu dedikashon a traha riba e parti aki i tambe e pesebre. Benta di karchi Karchi ta kosta fl.37,50 optenibel na Mensings Caminada, Koko Loko, Beep Beep, Survey  na Sta Maria, TeleCuraçao,  i na Misa di Suffisant, Korda ku lo tin diferente deurprijs e anochi aki