WILLEMSTAD – Yüli 2015– Ya ta temporada pa un otro ‘Art Rules Curaçao’. Hóbennan ta pendiente pa demostrá i desaroyá nan talento. E programa aki ta brinda e hóben durante 2 siman konsekutivo e oportunidat pa ekspresá nan arte i abilidatnan artístiko. Nan ta haña guia profeshonal serka esnan ku ta maestro – kada lider ku ekspertisio den un tipo di arte manera kanto, baile, drama, obra di man i hopi mas. Komo parti di e programa ‘Art Rules Curaçao’ lo tene un tayer di baile awe 15 di yüli na Renaissance Mall i Rif Fort, riba e tarima den Rif Fort kuminsando for di 7pm, e programa ta skematisá pa tèrminá 9’or di anochi. 

Loke ta hasi e tayer aki spesial ta ku e ta unu públiko, grandi i chikitu por partisipá i desaroyá nan talento. Pa awe, djarason dia 15 di yüli lo enfoká riba baile. Renaissance Mall i Rif Fort ta invitá tur ku ta amante di baile pa djòin e ‘coachnan’ di baile di ‘Art Rules’, Melissa Flerangile i Dwight Cheuk A Lam ku lo duna instrukshon riba e último téknikanan den baile moderno. Dj WaxFiend i Dj Rich Medina di ‘Art Rules’ lo ta enkargá ku músika pa e workshop aki. Tuma nota ku ta awe djarason 15 di yüli, na Renaissance Mall i Rif Fort di 7pm pa 9pm na e Rif Fort ‘stage’.

Pa mas informashon tokante di e programa kompleto di ‘Art Rules Curaçao’ por bishitá nan página di Facebook https://www.facebook.com/artrulescuracao of e websáit www.artrules.org