A kaba di bira konosí ku American Society for Clinical Oncology (ASCO)  a otorgá e David A. Karnofsky Memorial Award 2014 na Dr H.M. (Bob) Pinedo. ASCO ta otorgá e Award akí for di 1970 na un onkólogo ku a duna un aporte indiskutible na investigashon di kanser, e diagnóstika òf e tratamentu. E sosiedat ta elogia Pinedo su ‘manera di traha pa tèst konsepto nobo lihé den e asina yamá ‘trailnan’ klíniko. Tambe el a hasi deskubrimentunan krusial tokante e biologia di kanser i e funshonamentu di remedi serka e pashènt, pero tambe di e resistensia ku ta surgi.’ Na e David A. Karnofsky Memorial Award 2014 tin un lektura konektá durante e kongreso anual di ASCO. Pinedo lo duna e lektura akí djasabra 31 di mei 9.30, na apertura di e kongreso. Por lesa mas informshon tokante e premio riba de website van ASCO . Dr Pinedo, emerito katedrátiko di VU Medisch centrum i fundadó di Vumc Cancer Center Amsterdam (CCA) kaminda investigashon di kanser ta tuma lugá, a keda premiá mas biaha pa su trabou. El a risibí anteriormente entre otro e Dr. Josef Steiner Award (1995) i e Spinoza Award (1997). E promé ta ser yamá tambe ‘E premio Nobel pa onkologia’ , e di dos ‘E premio Nobel hulandes pa siensia’. Tin tambe un premio nombra n’e: Bob Pinedo Cancer Care Prize. E premio akí anualmente ta bai na un persona, ku a kosechá adelanto remarkabel den investigashon apliká i kuido di pashèntnan di kanser, kaminda kompashon ta e palabra klave. Na Kòrsou e tabata na 2010 un di e inisiadónan pa funda e sentro di skrin pa kanser na pechu i na matris yamá Fundashon Prevenshon.