WILLEMSTAD – E siman aki, un delegashon di e kompania nobo di aviashon AVA Airways a hasi uni bishita di kortesia serka Miembro di Parlamento Humphrey Davelaar i Lider Polítiko di Partido Nashonal di Pueblo. Durante di e enkuentro aki, tantu inisiador di e proyekto aki, Sr. Olivier Arrindell komo Presidente di e kompania di aviashon Sr. Giovanni Atalita a duna un splikashon kon e kompania ta hinka den otro  i ki balor e lo tin pa Kòrsou. Ku énfasis, tantu Srsnan Arrindell i Atalita a splika ku lantamentu di un kompania mas di aviashon pa Kòrsou, ta duna un aporte na ekonomia di Kòrsou, kreando trabou pa yunan di Kòrsou, pero na e mes un momento ta trese kompetensia den merkado ku lo nifiká bahamentu di preis pa biaha. Manera ta konosí, na desèmber 2013, AVA Airways a inisiá e proseso pa por haña su pèrmit ekonómiko pa e por kuminsá operá komo un kompania di aviashon lokal, ku lo hasi uso di avionnan Q 400 pa buelonan entre Aruba, Boneiru i Venezuela i avionnan modèl Airbus 319/20  pa komienso i despues Bombardier C 100, pa destinashonnan mas leu. AVA Airways ta un kompania di aviashon serio ku a presentá e mihó businesplan pa loke ta trata u8n kompania di aviashon nobo. Te hasta Airbus a hasi un route analisys di e businessplan di AVA Airways i den un dokumento a mustra ku esaki ta unu tremendo. AVA Airways na e momentunan aki despues di 14 luna ta wardando riba su pèrmit ekonómiko, pa despues sigui  pa e proseso di AOC dje avionnan. AVA Aairways ta pendiente pa por lansa nan kampaña di `Coming Soon`