WILLEMSTAD — Djabièrnè dia 12 di yüni último, representantenan di AVA Airways Curaçao, konforme petishon di Minister di Tráfiko Transporte mr. Camelia- Romer, a entrega tur dokumento relevante den kuadro di su petishon pa risibí un permisio ekonómiko.

Pa loke ta trata e aspekto ken ta finansiá e proyekto di AVA Airways Curaçao, tantu e representante di Grace Aviation Holding LLC ku ta un Private Venture Capital Firm di Estádos Unídos den su kalidat di President and Chairman of Investment Board komo tambe e representante di Capital Partners ku ta un Private Equity Venture Capital Firm tambe biga na Estádos Unídos, den su kalidat di Managing Director a manda pa Minister Camelia-Romer un asina yama Legal Declaration of Invested Capital.

Di e forma aki un biaha mas, pa ser eksakto pa di tres biaha, representantenan di AVA Airways Curaçao a kumpli ku e petishon hasí pa Minister Camelia-Romer i Gobièrnu di Kòrsou pa duna un klaridat riba ken o kua ta e gruponan ku ta finansiá e proyekto aki.

Ku esaki, AVA Airways Curaçao ta spera ku mas pronto posibel, Gobièrnu di Kòrsou atraves di Minister di Tráfiko i Transporte mr. Camelia-Romer lo sa di tuma e desishon korekto i duna AVA Airways Curaçao e pèrmit ekonómiko pa asina ei mas pronto posibel nos por kuminsá ku e proseso di Air Operator Certificate ( AOC) ku ta un proseso importante, promé ku realisá e buelo di prueba i despues abuelonan regular pa pasaheronan hasiendo uso di avionnan nobo i moderno Airbus i Dash Q 400.