WILLEMSTAD —  Resientemente Atlantis Adventures a premia su  guianan i pa loke ta trata temporada 2013 – 2014. E premio di mihó guia  a bai pa Sra. Alia Hammoud, miéntras ku e premio di mihó shofùr a bai pa Sr. Marcel Martina. Tambe un rekonosementu a bai pa Taxi 120 Sra. Sharmalin “Melly” Koeiman pa su bon trabou durante e season ku Trolly. Semper por a konta ku n’e pa transportá e turista pa trolley. Tambe pa di tres aña sigui, e guia di turista lokal, Sra. Maja Atalita-Vervuurt a gana e premio di C.R.U.I.S.E ku ta e Service Excellence Recognation Pin di e prestigioso empresa krusero Princess Cruises. Gerensia di Atlantis Adventures ta sumamente orguyoso di su guianan ku tur aña di nobo kada unu ta hasi nan esfuerso pa bende nos dushi Kòrsou na un manera positivo, splikando kiko ta Kòrsou. Den fakansi aki, esnan ku ta interesá pa hasi tour lokal ku Atlantis Adventures, tantu riba tera den bus o den e Semi Supmarino, por yama libremente na 461-0011  pa asina haña sa kua oferta interesante tin pa gruponan ku ke sera konosí mas ku Kòrsou.