Willemstad – Entrante Djaluna 24 di Òugustes ta start un serie di programanan den kuadro di e proksimo reto pa nos Selekshon di fútbòl kontra El Salvador. Djabièrnè 4 di Sèptember pa 7or di anochi den stadio Ergilio Hato (S.D.K.) Kòrsou lo hunga su proksimo wega pa klasifikashon pa Mundial 2018. “ATA NOS TA BIN!” lo bira un programa ku informashon rondó di nos selekshon i tambe pa animá e publiko pa ban sostené nos selekshon dia 4 di Sèptember awor. Durante varios dia lo pasa boletinnan di 5 minut, mientras ku Djawebs awor dia 27 di Òugustes pa 9:30pm i Djarason dia 2 di Sèptèmber pa 7:30pm lo pasa dos programa di mei ora kada un. Produkshon i presentashon di e programanan lo ta na enkargo di Morgan Isenia pa TeleCuraçao. Pues sintonisá i disfrutá di “ATA NOS TA BIN!” i keda informá di tur loke ta pasa rondo di selekshon di Kòrsou, rumbo pa Mundial 2018