Willemstad- Undudablemente e konsierto ku lo bo no por perde e fin di aña aki ta e gran konsierto di Pasku di nasementu  “Ban kanta huntu pa e Rei di Pasku” ku tei tuma lugá dia 17 di desèmber pa 7:30 di anochi Na misa di Suffisant. Preparando pa e gran selebrashon di Pasku di nasementu kaminda nos ta rekordá nasementu di e salbador Pastor Morrison i su tim di Misa di Suffisant a prepara un konsierto ku artistanan grandi manera Boy Thode, Melania van der Veen, Heinrich (Richie Rich) Pieter, Edjean Semeleer direktamente for di Aruba i awor ku beneplasito por anunsiá ku e gran kantantu Internashonal Lesley Voz tambe lo tei den e konsierto aki i huntu kuné e hobenku ta hasiendo furor ku su bos na unda ku e presenta Kadir Snijder I tambe Lisela Thomas otro hoben ku su CD ta sonando hopi bon. Huntu ku tur e artistanan aki lo tei Pastor Raul ku su bos bendishoná. Lesley Voz a bin Korsou di un forma inkognito pa pasa dianan di Vakashon pero hopi hende a haña sa i ta aserkando e pa kanta, pero den tur e kompromisonan ku e tin, ora ela keda aserká ela disidí ku pa promé biaha den su bida e ta bai kanta pa E rei di Pasku i esaki ta dia 17 awor. Pues esaki lo bira un konsierto di pasku inolvidabel. Benta di karchi Karchi ta kosta fl.37,50 optenibel na Mensings Caminada, Koko Loko, Beep Beep, Survey TeleCuraçao,  i na Misa di Suffisant, lo tin diferente deurprijs e anochi aki Instansia o empresanan ku ta deseá na koperá ku e konsierto aki i alabes hasi un regalo ku bo empleadonan pa e temporada di fin di aña por yama 517 4646 i lo entrega e karchinan na boso.