A.T.A. ta lansa un campaña cu e famoso tatoo di glitter cu e logo oficial di Aruba! Idea ta pa mustra bo orguyo pa cu Aruba y su cultura, unda no solamente nos carnaval pero tambe nos alegria y cordialidad ta mustra cu e tatoo colorido aki. Pega e tatoo na un caminda visibel, e por ta riba bo cara, brasa of lomba, saca un potret di dje y comparti esaki via Instagram usando e hashtag #OHC61. Durante paradanan grandi di San Nicolas diasabra awo y di Playa diadomingo awo, lo tin un bus special na comienso di e paradanan cu modelonan carnavalesco partiendo e tatoo gratis. E campaña ta cuminsa diasabra dia 14 di februari 2015 pa 12’or di merdia y ultimo dia pa manda bo potret ta dialuna dia 16 di februari 2015 pa 6’or di atardi. E potret mas original lo gana un basket cu articulonan di edicion limita di Aruba Tourism Authority, manera beach towel, rugtas, flipflops, waterbottle, beach ball etc. Dialuna dia 23 di februari 2015 e ganador lo wordo anuncia via tur medionan di comunicacion.