Willemstad, Kòrsou, 14 di ougùstùs 2016– Awe TDS su tremendo kampaña “Ban skol bèk” a ranka sali. TDS ta riba rumbo pa 31 aña di servisio honrabel na e pueblo televidente di Kòrsou. Manera ta kustumber TDS ta gusta malkriá komunidat ku spesialnan atraktivo pa un i tur por disfrutá di nan kanalnan faborito tantu lokal komo internashonal.

“Oferta ta bálido di 15 pa 20 di ougùstùs, pa mas informashon yama 9242”

E oferta spesial aki ta enserá ku no solamente miembronan eksistente, pero tambe esnan ku ainda no ta miembro di TDS por probechá di e spesial aki. Durante di e kampaña aki bo por apliká pa un bòks “Standard Definition” pa solamente ANG5.00 pa luna òf un bòks “High Definition” pa apénas ANG17.00 pa luna. Huntu ku esaki bo ta risibí henter un luna kompletamente grátis di e kanal nobo riba TDS, THE!tv, kanal 6, i tambe bo por risibí e promé dos episodionan di Pay Per View, Ma Yeta pa solamente ANG.17,50 pa nan 2 huntu.

Kiko mas bo ke? Probechá awor di e spesial aki. Kòrda si ku tin reglanan pa e kampaña aki. Pa mas informashon por yama 9242 òf por pasa na TDS Vinik Plasa na Santa Rosa. E spesial aki ta solamente bálido pa Kòrsou.

TDS ta I lo keda, Esun di Nos!