Djasabra 6 di juni  na skol Juan Pablo Duarte “Asociación de Dominicanos Unidos en Curazao” ADUC, a  hasi  entrega di sertifikado na tur persona ku a hasi e kurso di Papiamentu Basiko. Esaki ta un proyekto ku ADUC a kuminsá 2 luna i mei pasá kaminda un grupo basta grandi di stranhero di diferente nashonalidat a kuminsá e kurso aki. Tur djasabra entre 6:00 pa 7:30 e kurso aki tabata tuma lugá na e sede/ofisina di ADUC. Ing. Franklin Angelista i Licdo Alejandro Van Putten tabata esunnan ku a karga e proyekto  aki ku sosten di direktiva di ADUC. Ta yama masha pabien na tur e kursistanan aki kende ku dedikashon i motivashon a logra e promé  parti di e kurso aki. Mester informá ku den e simannan benidero ADUC lo anunsiá komunidat ki dia ta kuminsá inskripshon pa e parti di profundisashon di Papiamentu. Pa mas informashon por tuma kontakto na: 6774059 / 5267722/ 663-2178,