Muchanan ta disfruta inmensamente ora cu nan schaats!

ORANJESTAD – DEC– Recientemente Renaissance Marketplace a haci apertura di su Christmas Market Winter Wonderland. E aña aki Renaissance Marketplace ta eleva e experencia di Pasco na diferente manera y haciendo esaki ta aporta na un bon causa.  Renaissance Aruba Resort a pone e Ice Skating Rink na disposicion di Stichting BOB i ta motiva pueblo di Aruba pa schaats durante e dianan binidero. Tur loke wordo genera na entrada di e Ice Skating Rink e.o huur di e sapatonan, lo bay directamente pa e fundacion.  E Ice Skating Rink ta ubica net mei mei di Renaissance Marketplace. No keda sin schaats!

Ademas di e Ice Skating Rink, e Christmas Market Winter Wonderland tin diferente casita cu lo tey unicamente pa e temporada aki bendiendo cuminda, bebida y regalonan di Pasco. Tin live entertainment tur dia. Diasabra dia 9 di november tin Le Groove y Grupo Autentico; henter siman tin Las Unicas y pa diasabra dia 16 di december ta presenta Grupo di Betico! Henter e temporada lo tin presentacion varia di Tsunami, Le Groove, ‘N Fuzion, Claudius Phillips & OREO, Las Unicas, Grupo di Betico y mucho mas. Disfruta di e temporada aki na Renaissance Marketplace, bini cu henter famia y haci un paseo den e ciudad maraviyoso di Pasco. Like e pagina di Facebook www.shoprenaissancearuba.com/winterwonderland  y keda na altura di tur detaye e temporada aki.