E fin di siman ku a pasa a tuma lugá e akshon di boluntario di mas grandi di nos reino. Na Aruba, Bonaire, Kòrsou i Hulanda huntu a kumpli ku mas ku 9000 tarea pa organisashonnan komunitario. Riba 21 i 22 di mart serka hopi bon meta energia positivo tabata abundante. Varios shen mil boluntario a lora manga di kamisa pa pone man na obra ku trabou ku di otro forma lo a keda drumí sin hasi. Pa ARUBA DOET, den kua tabatin 134 tarea pa hasi, Gobernador di Aruba señor F.J. Refunjol a hasi apertura di e evento na Stichting Thuiszorg Aruba, kaminda a fèrf kamber di e habitantenan. Durante BON DOET a kumpli ku un total di 66 tarea. Na Kòrsou ta promé biaha ku a organisá CURA DOET i mesora por a konta ku mashá entusiasmo pa e mas ku 130 trabounan ku a traha. Ta klaro ku e aña akí tambe Rei ku Lareina a yuda na un di e organisashonnan komunitario. E aña akí nan tabata di bishita serka Kinderboerderij Het Akkertje na Rijswijk kaminda nan a yuda fèrf e stalnan.