ORANJESTAD, Aruba – 13 di November 2015: Den un esfuerso pa semper aporta na comunidad, Aruba Bank a sostene yegada di e homber santo for di Spanje hunto cu su pietnan. Sinterklaas a yega Aruba diadomingo y miles di mucha hunto cu nan mayornan a yam’e bonbini. For di e parkeerplaats di waf na Oranjestad te cu Linear Park, e muchanan a canta y gosa durante yegada cu pa masha hopi aña ta e dia di mas importante pa hopi di nos muchanan. Aruba Bank ta gradici Fundacion Sinterklaas cu un biaha mas por ta orguyoso di un tremendo organisacion. E muchanan a haya hopi mangel y a gosa di e diferente weganan. Aruba Bank ta corda tur mucha pa comporta bon den e dianan aki y keda semper bon mucha y pa sigui haci nan best na scol.